إفهم الإشاره انت يافالح بقلم/سمير محمد

{{{ إفهم الإشاره انت يافالح }}}
::
::
:::::
صدق اللى قال
الناس معادن من أساسه
منهم اللى يهواك
وعايزك ليه حبيب
واللى عايز يضمك لناسه
ومنهم اللى يصدك
والمجافى دوماً من أساسه
وفيهم اللى كارهك
واللى رافـــع عليك فاسه
:::::
واللى مصاحبك
لغرد فى نفسه ولاّ ل مصالح
وفيهم اللى يديك
إشـــاره بس إفهم انت يافالـح
مش قولنا الناس
معادن ومش كل طير جارح
والدنيا لو جارت
مش هترجع أبدا زى إمبارح
:::::
والمسافه مهما بعدت
حبيب القلب دايما ف خيالك
واللى يعزك
من قلبه تهون روحه فداك
بص بعينه تلمح
جواهم إشارة بحبك واهواك
ماهو الناس معادن
ومش كلِّ الــّتهويه يهــــواك
:
بقلم/سمير محمد
:
26 / من سبتمبر / 2016